USTEKABEA SORTZEKO ZORIAN ADARRAGAN

2019/03/22

Bengoetxea VI.a eta Beloki ustekabe galanta emateko zorian izan dira sanmateotako torneoan Titin III.a eta Lasa III.aren kontra garaipena hurbiletik ikusi eta gero. Markagailuan 9-17 irabazten joan arren
Asegarceko bikoteak ez du garaipena gauzatzen jakin izan eta 18 eta 22az joan da aldageletara.
Oinatz oso ondo egokitu da Belokirekin eta bion artean oso joku ona erakutsi dute. Leitzako gaztea ausarta agertu da eta Titin III.ari eustea lortu du. Horretaz gainera lau tantu eder egin ditu eta bere atzelariari pilota on asko utzi dizkio.
Belokik Lasa III.a menderatu du garbi eta lau tantu eskuratu ditu. Burlatarra azken zatian fisikoki behera joan da eta horrexegatik pilota batzu bota ditu. Egoerak Oinatzi txarrerako eragin dio eta urdurik jarri da.