“OLAIZOLA II.A ETA OTXANDORENA EZ DIRA GARAITUEZINAK”

2019/03/22

Pablo Berasaluzek garbi dauka “Sestaoko jokua egiten badugu, Patxi eta biok Olaizola II.a eta Otxandorena mende har ditzakegu. Faboritoak dira baina guk oso zentratuta gagoz eta irabaz dezakegu”.

Nahiz eta Xala eta Lasa III.aren kontrako lortutako garaipenak txapelketan eragin zuzenik ez euki Berriztarrak gonfidantzaz dabilela aitortzen du “halako bikoteraen aurrean irabazteak indar eta segurtasuna ematen dizu. Gainera konfidantza gegiagoz zabiltza eta beste aurkariak garaitzeko aukera hurbilago ikusten duzu”.

Aurrelari bizkaitarra aurtengo txapelketari begira baikor azaltzen da eta erabat ahaztuta dauzka aurreko urteetako zoritxarrak ” 2003 eta 2004 urteetan ezin izan nituen txapelketak bukatu eskuetako mina euki nuelako. Oraingoan gustora nabil egiten ari naiz jokuarekin eta uste dot Patxi eta biok goian egongo garela”.

Hitzordua datorren larunbatean Valladolideko Iscarreko pilotalekuan da.