200 PERTSONA LABRITEKO PILOTA AUKERAKETAN

2019/03/22

EPELeko binakako txapelketako finalerdiek ikusmin handia piztu dute dagoeneko. Gaur eguerdian Titin III.a-Barriola eta Bengoetxea VI.a-Beloki ondo baino hobeto lagunduta egon dira Labrit pilotalekuan. 200 pertsona baino gehiago eta hedabideetako ordezkari asko egon dira pilotak hautatzeko ekitaldian.
Gorriek 103,7, 104,1 eta 106,2 gramotako pilotak hartu dituzte eta urdinek berriz 103,5, 104,8 eta 105,5 gramotako pisukoak.
Urdinen pilotak apur bat biziagoak omen dira gorrienekin alderatuta.

Asegarce.comeko erredakzioak galdetuta Bengoetxea VI.a partidua garrantzitsua oso dela aitortu du “neretzat oso partidu garrantzitsua da. Agian nik orainarteko jokatutakoen artean handiena izango da”.
Titin III.aren kontra erabiliko omen duen estrategiaz zera azaltzen du Leitzarrak “Augusto erasotzaile amorratua denez gero, defentsan ahalik eta hoberen jardungo naiz eta aukera dagoenean nik ere zirika sartuko diot”.