Labriten izandako Beloki eta Patxi Ruizen arteko pilota aukeraketa giro apartan gauzatu da 200 pertsona harmailetan eta kazetari pilo bat izan delarik. Rubenek, bere anaia Albertok lagunduta, 103,9 eta 105,4 gramotako pilotak bereiztu ditu eta bere ustez “ez dira pilota txarrak baina nik azpitik gehiago doazen pilota horietakoak nahi nituen”. Patxi Ruizek bere anaia Jesusekin batera egin du pilota aukeraketa. Lizarrakoak 103,7 eta 103 gramotako bolak hartu ditu eta konforme geratu da aurkitutakoarekin. Ondoren Eskuderorekin egin du entrenamendu saioa.
Beloki joku onarekin
Belokik entrenamendu gutxi egin dituela adierazi du baina aldi berean kolpez fresko dabilela eta jokuarekin gustora dagoela. Patxik faborito ikurra ipini dio Rubeni baita txapela lortzeko hautagai sendoa dela ere esan.
2019/03/22
2025/12/21
Laso-Albisuk 22-11 irabazi diete Elordi-Zabaletari Gernikan, eta lehen postua sendotu dute Binakako Txapelketan. Serie Bn Peña II-Salaverri II.ak irabazi dute.
2025/12/20
Artola-Imazek 22-16 irabazi diete Altuna III-Ezkurdiari Atano III.ean, eta hirugarren puntua eskuratu dute. Serie Bn Murua-Gabirondok irabazi dute.
Lekeition biharko aurreikusita zegoen jaialdia Gernikan ospatuko da, denboraleak frontoiaren estalkian eragindako kalteak direla eta.
Larrazabal-Mariezkurrena II.ak 22-16 irabazi diete Zabala-Martijari Zallan, eta sailkapen ligan hirugarren kokatu dira. Serie Bn, Zallan, Rekalde-Bikuñak irabazi dute, eta Munitibarren, Amiano-Eskirozek.
BERRIAK, EMAITZAK, KARTELDEGIA, SARRERAK.. PILOTARI BURUZKO INFORMAZIO GUZTIA