BI EZKER ESKUZ BANAKA NOR BAINO NOR ZARAUZTEN

2019-03-22

Zarauzko Aritzbatalde pilotalekuak egun iparraldeko pilotaririk onenen arteko lehia aparta hartuko du datorren larunbatean arratsaldeko bostetatik aurrera.
Telecincoko kamarak bertan direla eskuz banakako finalerdietara pasea lortzeko bi ezkerren arteko borroka handia gauzatuko da Zarauzko kantxan.
Eskupilota mailan txapelketarik garrantzitsuenean historial txukun bina daukate Gonzalezek nahiz Xalak. 9 aldiz hartu dute parte bakoitzak eta estadistika berdinak dituzte: 5 garaipen eta 4 porrot.
Gonzalez da txapelketan urte gehien eman duena, 2001 urtetik alegia. Aurreko urtean 2. mailako txapela lortu eta gero -finalean Imazi irabazita- 1. mailan ekin zion azkaindarrak.
Yves Sallaberry aldiz, 2002 urtean hasi zen lehen mailan lehiatzen baina bere palmaresean toki berezi bat dauka iaz Mtez. de Irujoren aurrean lortutako txapeldunordetza.
Partidua ederra azaltzen da pilotazaleentzat eta horren sinalea Aritzbatalde pilotalekua ia beteko duen sarrera eskaera handia dugu.

Emozioa zilarrezko mailan

Zarauzko jaialdiak hasiera berezia izango du: Beloki II.a eta Leizak jokatuko duten bigarren mailako eskuz banakako txapelketako final laurdenetako neurketa.
Lesio bolada txar bat gaindituta Alberto Belokik arerio gogorra den Iñigo Leiza izango du aurrean.
Burlatako aurrelariak 5 aldiz esku hartu du txapeketan eta horietatik 4 dauzka irabazita.
Bizkaitarrak hiru norgehiagoka jokatu ditu, danak 2004 urtean- eta finalerdietan agur esan behar zuen Berraondok kanporatuta.
Telecincoko Fronton saioak zilarrezko mailako partidu garrantzitsu honen azken zatian zuzenean eskainiko du.