OLAIZOLA II.A LAU T´ERDIKO TXAPELDUN BERRIA XALA ERRAZ IRABAZITA

2019/03/22

Olaizola II.a 2005ko EPELen Lau t´Erdiko txapeldun berria dugu Donostiako Atano III.a pilotalekuan jokaturiko finalean Xala 22 eta 5 mendean hartu ostean. Partida azkarra izan da oso eta Asegarceko pilotariaren nagusitasuna erabatekoa izan da.
Prentsaurrekoan txapeldunak esan duenez “oso zentratuta izan naiz, eskubia txisparekin izan dut eta sakea partidaren gakoa izan da. Luze, eta bideratuta sakatu dut. Egia esan ia dena ondo egin dut eta Xala bestetan baino huts gehiago egin du. Pixka bat partidutik kanpo ikusi dut”.

Txapel bi jarraian

Xalak bere aldetik zera esan du “sukar pixka batekin ibili naiz egunen baten eta ankak ez dira nahi bezala joan izan. Hala eta guztiz ere hori ez da eragozpenik izan eta Aimarren nagusitasuna garbia izan da”.

Bi urte jarraian lortu du Olaizola II.ak lau t´erdiko txapela 1990 urtetik gertatzen ez zen egoera hain zuzen ere. Urte hartan Retegi II.ak 1989ko lortu eta gero bigarren txapela lortu zuen baita 1991n hirugarrena ere.