IRUÑA ETA DONOSTIA FINALAURREKOETAKO LEHEN HITZORDUAK

2019/03/22

Binakako txapelketaren finalaurdenak bukatu ondoren aste buru honetan jokatuko diren final-aurrekotako lehenengo txandaren partidak Iruñan eta Donostian izango dira.
Lehenengo norgehiagoka Iruñan izango da hilaren 25ean. Labrit pilotalekua eta Tele 5eko Fronton saioaren ikusleak urrenez urren Oier Zearra eta Iñaki Otxandorenaz lagunduta arituko diren Olaizola anaien arteko lehia interesgarri baten lekukoak izango dira. Partida hauetako pilota aukeraketa asteazkenean goizeko 11:30etan izango da.
Martinez de Irujo-Eulate eta Bengoetxea VI.a-Patxi Ruiz sailkatu berriak, aurrez aurre ipiniko dituen bigarren partida, igandeak 26 Donostiako Atano III.a frontoian jokatuko da eta ETB 1ek emango du. Pilota aukeraketa ostegunean 11:30etan izango da.