PEÑAGARIKANO “GALARZAK GOI MAILAKO KOLPEA DAUKA”

2019/03/22

Kepa Peñagarikano eta Enrike Galarza gaur arratsaldean bildu dira Tolosako Beotibar pilotalekuan datorren asteleheneko eskuz banakako partiduan erabiliko duten materiala hartzeko.
Antzeko loteak suertatu dira; ez biziak ezta motelak ere, baina Peñagarikanorenak agian lurretik ondo ibiltzen direnetakoak dira.

Azpeitiarrak partida zaila izango dela dio “Galarza V.ak goi mailako kolpea dauka eta gainera tantua bukateko eta defentsan ondo dabil.
Ni pilotari gogor ematen saiatuko nahiz eta aukera denean aurrean bukatzen ahaleginduko naiz dejadaz. Atzelariok zailatasun gehiago daukagu holako jokaldiak egiteko baina buruz buru halaxe jokatu behar da. Orain lasaiago nago benetako txapelketan sartu naizelako eta hemendik aurrera ea apurka apurka gorantz noan”.

Keparekin Aratz Mendizabal Asegarceko pilotaria egon da eta Enrike Galarzarekin Ladis Galarza izan da pilotak aukeratzen.
Pisuak honako hauek izan dira:
Galarza V: 106,5 eta 103,8 gramo.
Peñagarikano: 104,5 eta 104,2 gramo.