PEÑAGARIKANOK ASEGARCERI PLENOA EMAN DIO GALARZA VI.ARI IRABAZI ONDOREN

2019/03/22

Kepa Peñagarikanok Galarza V.a 18 eta 22 mendean hartu du Eskuz Banakako txapelketako hogeitamabirenetako partiduan gaur arratsaldez Tolosako Beotibarren pilotalekuan.
Garaipen honekin Azpeitiako mutiltzarrak plenoa eman dio bere enpresari sail honetan jokatutako lau partiduetatik lauak irabazi ditu eta.
“Peña”k partida borobila egin du eskubiz pilotari ederto astindu, defentsan airezko bolea apartak erakutsi eta dejadak egiterakoan primeran arituz. Galarza V.a atzeko koadroetan euki du une askotan zehar eta gainera sakearekin min handia egin du.

Enrike Galarzak ondo borrokatu du eta partidaren erdirarte aurre egin dio Kepari baina azken txanpan ezin izan du azpeitiarraren indarra gailendu.
Peñagarikanok Lasa III.aren kontra jokatuko du datorren igandean Bergaran.