LEIZA “GONZALEZEN ESKUMARA SAKATUKO DOT”

2019/03/22

Sebastian Gonzalez eta Iñigo Leiza Zarauzko Aritzbatalde pilotalekuan azaldu dira gaur eguerdian larunbateko partidarako pilotak aukeratzera.
Biak ados geratu dira aurkitutako materialarekin eta danak onak direla aipatu dute.
Iñigo Leiza lasai agertu da eta orainarteko lanaz pozik dagoela esan du “Gonzalez garaitu ditudan pilotariak baino ezberdina da baina ni lasai nago eta txapelketan egindako lanaz pozik naz. Partiduan menperatzen ahaleginduko naz eta hori ezin baldin badut egin aurrean bukatzera joango naz. Ez naz bere eskubiagaz zoro bihurtuko baina eskumara sakeak egiteari ekingo deutsot, hori bai”.

Gonzalezek bere aldetik entrenamendu onak egin dituela aitortu du eta une onean dagoela gaineratu du “pilota guztiak onak izan dira eta alde horretatik ez da arazorik izango. Aurkaria zaila da, pilotari osoa da, sakea, bolea, sotamanoa, sufritzeko ahalmena eta fisikoa ona dauka. Hiru pilotari kanporatu ditu eta hori ez da nolanahikoa”.

Leizak Gonzalezek baino pilota biziagoak hartu ditu eta pisuak honako hauek dira: 102,9 eta 104,2 gramo.
Gonzalezen pilotek pisu hauek dauzkate: 105,4 eta 105,3 gramo.