OLAIZOLA II.A “GONZALEZ PILOTARI ARRISKUTSUA DA”

2019/03/22

Aimar Olaizola eta Sebastien Gonzalez Labrit pilotalekuan azaldu dira gaur eguerdian datorren larunbatean eskuz banakako finalerdiko partiduan erabiliko dituzten pilotak aukeratzera. Ez da inolako kexarik izan materialarekin eta bi pilotariak ados geratu dira pilotekin.

Txapeldunak frontisetik gutxi atera eta lurretik azkar doazen pilotak aukeratu ditu. Partiduari buruz honela mintzatu da “Gonzalez pilotari arriskutsua da. Joku azkarra egiten du, boleaz eta sotamanoz aritzean ez dizu tokia eroso hartzen eta kolpe indartsua dauka. Ni pilota gurutzatzen saituko naiz airez sar ez dadin. Saketan normal sakatuko dut, eta min egiten ez badiot eskubira sakatuko diot”.

Gonzalezek ilusioz irtengo dela aipatu du eta urtetik urtera hobetzen saiatzen dela esan du “Olaizola oso pilotari azkarra da eta beraren kontra jokatzerakoan ahalik eta akats gutxien egin behar duzu. Partida gogorra egiten ahaleginduko naiz”. Pilotalekuaz itaunduta “Labrit frontoi ona da” aitortu du iparraldekoak.
Bere pilotak bizitsuak direla adierazi du Sebastianek.

Olaizola II: 104,1-105,6
Gonzalez: 105,4-105,5