PILOTARIENTZAKO ATSEDENALDIA ARNEDILLON

2019-03-22

Txapelketa nagusiak bukatu dira eta uda zoroa hasi baino lehen atseden bila joango dira Asegarceko pilotariak Arnedilloko bainuetxera.
Instalazio ederrak dituen Arnedillo Bainuetxe Hotelak ekainaren 19tik 22ra hartuko ditu pilotari, entrenatzaile, langile eta gerentziako kideak frontoi eta bulegoko lanetik alde egin nahian.
Egonaldi honetan denetariko ekitaldian gauzatuko dira: hitzaldiak, umeekiko jolasak, bainuetxeko zerbitzuak erabili, aisialdiaz gozatu ..

Astore “pasarela”

Saio hauetaz aparte bada guztien gainetik azaltzen den ekitaldi bat: pilotarien Astoreko jantzi berrien aurkezpena. Berau 21ean, asteazkena, 12:00 etan izango da Arnedillo Bainuetxe Hoteleko ekitaldi aretoan. Jantzi berrien artean joko elastikoa ikusi ahal izango da, hau da, eskuz banakako finalean Olaizola II.ak eta Mtez. de Irujok atera zutena. Horretaz gainera praka berriak, entrenatzeko kamisetak, txandalak, sudaderak etabar aurkeztuko dira pilotariak modeloak izanik.

“Pasarela” bukatu eta gero talde osoaren argazkia ateratzeko aukera izango dute argazkilari eta telebistek.
Esan behar da ekitaldi honetara etorriko diren kazetari guztiek opari bana jasoko dutela Astoreren eskutik eta pilotariekin zein enpresako ordezkariekin aritzeko aukera eukiko dutela ondoren izango den bazkarian.
Aurkezpena publikoa da, hortaz, nahi duen pilotazale oro ekitaldi honetan ager daiteke.