PATXADA EDERREAN

2019/03/22

Asegarceko pilotariak Arnedillo Hotel Bainuetxean egiten ari diren agonaldia primeran doa. Bigarren eguna bete da eta pilotari taldea zein teknikariak ondo baino hobeto moldatu dira Errioxako herri honetako bainuetxean burutzen ari den konzentrazioa.
Kepa Lizarraga sendagileak eta Borja Osesek kiroleko hidratazioa eta dopajeari buruzko eskeinitako hitzaldiak bukatu eta gero, futbito izan da goizeko protagonista. Lau taldeen arteko “mundialito” jokatu da, Arnedillo 2006 mundialitoa hain zuzen ere, eta Agirre, Zearra, Eguskiza, Olaizola I.a eta Arretxe II.ak osatutako taldea suertatu da txapelduna.

Hoteleko jantokian ederto bazkaldu ondoren, arratsaldeko saioa denetarikoa izan da: batzuk tenisean, besteak herriko pilotalekuan eta ia denek -argazkietan agertzen den bezala- bainuetxeko igerilekuan bukatu dute ihardunaldia.
Gaurko jardunaldian, Astore pasarelak eta pilotari taldearen aurkezpenak beteko dute eguneko protagonismoa hoteleko ekitaldi aretoan.