ASEGARCEK TXARTELDEGITIK PASATU GABEKO SARRERA EROSTEKO SISTIMA ABIAN JARTZEN DU

2019/03/22

Astelehenaz geroztik edozein pilotazalek Asegarceko pilota jaialdietarako sarrera erosi nahi izanez gero etxetk eta txarteldegitik pasatu gabe egin ahal izango du ticktackticket sistimari esker.

Orain arte webaren bidez erreserbak egiteko aukera baino ez zegon baina aste honetatik aurrera zaleek jaialdia ospatu baino egun batzu lehenago, telefonoz deitu behar ez eta txarteldegitik bera pasatu gabe erosi ahal izango dituzte sarrerok.
Billeteak ordaintzeko modua Visa eta Mastercard da eta ticktackticket-ek hitzartu duen hainbat saltokitan bildu ahal izango dira.

Berrikuntza horrekin Asegarce pilota kudeatzeko orduan punta-puntako enpresa nabaritzen da berriro ere, kaso honetan pilotazaleei sarrerak erosteko modua erraztuz.

Albizuriren baja

Julian Albizuri ez da hemendik aurrera Asegarceko pilotarien taldean izango hilaren 20an enpresarekiko duen kontratua bukatzen dalako.
Berrizko pilotariak Asegarcen eman du bere ibilbide profesional osoa 2001ko apirilaren 21ean bere jaio herrian debuta egin zuenetik.
Julianek bariku honetan jokatuko du bere azken partida Zeberion.