PATXI RUIZ: “EZ NUKE INONGO ARAZORIK BERE MATERIALA ERABILTZEKO”

2019-03-22

“Patxi Ruizek eta Barriolak bat egin dute eguerdian Eibarko Astelena pilotalekuan igandeko finalaurrekoan erabiliko dituzten pilotak hautatzeko.
Piloteei buruz Barriolarenak frontistetik ondo ateratzen dira lurretik gutxiago ordea .
Patxirenak alderantziz, frontisetik irteera motelagoa eta lurretik ederto ibiltzen direnetakoak.
Biak prentsaurrean agertu dira eta hauek dira beren adierazpenak:

-Barriola
“Gustora geratu naiz pilotekin. Bakoitzak bereak dauzka.
Biok sakatzaile onak gara baita tantuak bukatzeko ere.
Gehien dominatzen duenak eta opari gutxiago egiten duenak partida irabaziko du.
Azkenaldiotan egin dudan kirol ibilbidearekin pozik nago; 2007ko lau eta erdiko eta eskuz banakako finaletara iritsi naiz eta 2008an binakako finalaurrekoetan sartu izan naiz”.

Ilusioz

-Patxi Ruiz
Materiala erberdina da erabat. Berarena mugitzeko zailagoa da eta nerea aldiz maneiatzeko errazagoa. Hala eta guztiz ere ez nuke inolako arazorik beren pilotak erabiltzeko.
Ilusioz eta fisikoki ondo nago, hori bai, partidu gutxi jokatuta eskua zaintzeagatik.
2003an jokatu genuen eta 22-14 irabazi nion baina horrek ez du ezertarako balio.
Barriola atzelari bikaina da eta kantxan dena ematen duenetarikoa”.

Barriola: 103,8-103,5 g.
Patxi Ruiz: 103,8 -104,8 g.