TXAPELDUNA ETA PATXI RUIZ, DONOSTIAKO FINALERA

2019/03/22

Oinatz Bengoetxeak eta Patxi Ruizek Donostia Hiria torneoaren finaleko txartela eskuratu dute Olaizola II.a eta Mendizabal II.a 22-11 mendean hartu eta gero.

Huts asko izan dituen partiduko pilotari onena Patxi Ruiz izan da bera eta Mendizaba II.aren arteko lehia neurketaren gauza interesgarria izan delarik. Hala eta guztiz ere Mendizabalek zazpi sake hartu ditu.

Aurrean txapelduna eta Olaizola II.a ez dira batere ondo aritu. Aimarrek defentsan zein erasoan trakets jokatu du eta pilota errazak txapapean joan zaizkio.
Azken txapan Oinatzek Patxi Ruizen menperatzeari esker tantu batzu lortu ditu baita kale batzu egin ere.