KIROLTASUN SARIA EZARRI DUTE ESKUZ BINAKAKO TXAPELKETAN

2019-03-22

EPELen 2010eko Eskuz Binakako Txapelketa Donostiako kubo kutxa aretoan komunikabideen aurrean aurkeztu da eguerdian eta aurtengo edizioan berri esanguratsu bat jakinarazi da: kiroltasun saria.

Kutxak eta Esku Pilota Enpresen Ligak txapelketako pilotari bati emango diote trrofeo hau honako irizpideak kontutan izanda: aurkariarekin erabateko errespetuz neurtzea, egun gizartean balio garrantzitsuak gordetzen duen jokaera eskaintzea eta pilotariak komunikabideen aurrean daudela ikusita behar bezalako irudia azaltzea.
Aurkezpenean jakinarazi zuten beste datu berria zera da: sakea egiterakoan pasa izatekotan falta izango da. Gogoratu behar da arau hau BBK Mastersean ezarri zutela.

Kirol alorrean hauexek dira enpresek lehian ipiniko dituzten bikoteak:
Olaizola II.a-Mendizabal II.a, Olaizola I.a-Patxi Ruiz, Bengoetxea VI.a-Beloki eta Berasaluze VIII.a-Begino arituko dira Asegarceren aldetik eta Titin III.a-Pascual, Mtz. de Irujo-Beroiz, Xala-Zubieta eta Gonzalez-Laskurain bikoteek Asperen aukerak defendituko dituzte.
Txapelketako sistima honako hau izango da: bi bueltako finalaurdenetako liga bat eta ateratzen diren lau onenak finalaurrekoetako ligaxkan arituko dira finalean sartzeko.

Txapelketako egutegia “Txapelketak” sailean ikus daiteke.