BERASALUZE VIII.AK ETA BEGINOK BEREN BURUA SARTZEN DUTE BORROKAN

2019/03/22

Berasaluze VIII.ak eta Beginok puntu baliotsua sartu dute patrikan Binakako Txapelketako finalaurdenetako ligan borrokari eusteko, Xala eta Laskuraini 22-17 irabazita
Tolosako Beotibar pilotalekuan.

Asegarceko pilotariek abantaia handiak izan dituzte -10-4, 16-8- batez ere Beginoren indarrari esker eta azken txanpan nekea azaldu arren, Auzako pilotaria onena izan da lau tantu lortuz.
Berasaluze VIII.a ondo egon da lehen zatian baina ondoren atzera egin du eta errematatzerako orduan bildurrez aritu da.

Aspeko bikotean Laskurainek azken partiduetan eman duen maila azkoz ere baxuagoa izan da.

Diazi ebakuntza

Bilboko Indautxu klinikako Galan medikoak ebakuntza egin dio Iñigo Diazi eskumeko laugarren hatzamarrean zeukan haustura sendatzeko.
Operazioa arratsaldeko laurak aldera inongo arazorik gabe gauzatu da eta frontoietan berriro agertzeko hilabete igaro beharko da.