LABRITEN BURRUNBA BERRIRO ERE

2019/03/22

Labriten arratsaldez jokaturiko bezalako partiduek gora egiten dute publikoa. Neurketaren bukaera bat eginda pilotalekuan bildutako pilotzale orok zutik agurtu ditu lau pilotariak txalo zaparradaz batera.

Urduritasuna dela eta akats batzu gertatu dira baina garrantzitsuena, hots, puntua, Bengoetxea VI.ak eta Belokik patrikan sartu dute Titin III.a eta Pascual 22-20 menderatuta.
Bihotzeko jotzeko moduko partidua suertatu da batez ere azken txanpan tarte horretan berdinketa anitz izan direlako.

Aurrelariek tanto ederrak eta defentsa bikaina erakutsi dute bukaerararte eta atzelariek ikusteko erako erantzunak eman dituzte errebotetik bertatik.