EIBAR ETA TOLOSAKO PILOTA AUKERAKETEK FINAL LAURDENETAKO TXANDA ITXI DUTE

2019/03/22

Asteburu honetako azken partiduei dagozkien pilota aukeraketak gauzatu dira eguerdian Eibarren eta Tolosan.

Astelenan Mtz. de Irujo eta Bengoetxea VI.a bildu dira datorren igandean jokatuko duten neurketarako pilotak bereizteko.
Aspeko pilotariak 106,2 eta 106,8 gramoko pilotak aukeratu ditu, Bengoetxea VI.ak 106,3 eta 105,8 gramokoak hartu dituen bitartean.
Lote biak antzekoak dira, Oinatzena apur bat biziagoa den arren.

Beotibarren ekitaldi bera gauzatzeko azaldu dira Berasaluze VIII.a eta Gonzalez.
Berriztarrak 106 eta 105,8 gramoko bolak hautatu ditu. Gonzalez aldiz, 106,6 gramoko pilota bi bereiztu ditu.
Pabloren lotea pilotak errazago mugitzeko denekoa da.
Sebastianena sendoagoa ei da.