EMOZIOA AZKEN UNERARTE

2019/03/22

Hasiera ederra San Fermin eskupilotako torneoarena; gehiagorik ez dago eskatzerik. Gonzalezek eta Zubietak 22-21 menderatu zituzten Berasaluze VIII.a eta Begino partido gogor batetan, izan ere, lau pilotariok 80 minutu egon ziren kantxan eta 506 pilotakada eman zituzten.

Zubieta izan zen neurketaren protagonista Begino menpean edukiz eta ia huts bat ere eginez. Auzako pilotaria urdurik hasi zen eta bukaeran baino ez zen fin ibili.
Berasaluze VIII.ak oso partidu ona jokatu zuen 12 tanto lortuz.