HIRUTIK HIRU

2019/03/22

Makina borobila ematen dute. Bengoetxea VI.ak eta Patxi Ruizek elkarrekin jokatu duten udako hirugarren torneoa bereganatu dute San Mateoko finalean Mtz. de Irujo eta Pascual 20-22 mendean hartu ostean.

Partidu trinkoa eta emozioz beteta suertatu da berdinketak behin eta berriz markadorean azalduz. Beste torneoetan bezala biek izugarrizko elkar ulertze erakutsi dute, nahiz Oinatzek bere atzelariari pilota onak uzten zein Patxik bere bikotekideari zuloak estaltzen.

Bi aurrelariek elkarri gogor eraso egin diote baina Leitzako aurrelariak duen defentsa bikainak erabakigarria izan da.
Bigarren zatian partiduko zamarik handiena Patxik pairatu behar izan du baina Lizarrako atzelarik eutsi egin dio eta aurreneko partiduan bezala azken tantoa berak egin du.

Pilotari onenari saria Bengoetxea VI.ari egotzi diote kazetariek.