BENGOETXEA VI.AK BEROIZ TXIKITU DU

2019/03/22

Bengoetxea VI.ak Lau t ´Erdiko txapelketako final zortzirenetako pasea lortu du ikaragarrizko erraztasunaz Beroiz 22-3 gainditu eta gero. Partidu guztian zehar berak agindu du eta ez dio inongo aukerarik eman aurkariari.

Gernikan Diazek hankaz gora jarri du partidua eta 8-22 emaitzaz menpean hartu du Olaizola I.a. Santacarako pilotariak inolako beldurrik gabe errematatzeari ekin dio eta 11 tanto batu ditu gehi 6 sake. Defensan ere ondo ibili da.
Asierrek ez du behar bezala pilota astindu eta une batetan ere ez du aurkaria estutu.