LABRITEN PILOTAZALEAK AHO BETE HORTZ IRTEN DIRA

2019/03/22

Labriten bildu den pilotazale mordoa txundituta irten da Euskadi Goza ezazu Binakako final laurdenetako hirugarren ihardunaldiari dagokion Titin III.a-Paskual eta Bengoetxea VI.a-Patxi Ruizen arteko partidua ikusita. 20-22 irabazi du Asegarceko bikoteak lau pilotariek goi mailako ikuskizunaz blai suertatu den partiduan.

Aurrekaldean, Bengoetxea VI.ak Titin III.ari erasoari ekin dio gantxu, dejadak eta txokorako airezko erremate bikainak eginez. Errioxarrak ordea, bere ohiko defentsa erakutsi du eta oso jokaldi onak ere gauzatu ditu.

Atze aldean, Paskualek zein Patxi Ruizek pilotakadak ederrak eman dituzte eta horren seinalea hainbat aldiz airezko defentsa erabili behar izana da.