OLAIZOLA II.AK ETA BEGINOK, BITIK BI

2019-03-22

Olaizola II.ak eta Beginok Euskadi Goza ezazu Binakako Txapelketako final laurdenetako ligako bigarren puntua lortu dute gaur Iruñeko Labrit pilotalekuan Bengoetxea VI.a eta Patxi Ruiz 22-16 menderatu ostean.

Partidu gogorra samar izan da, batez ere bigarren zatian, -692 pilotakada osotara- Begino onena izan delarik. Auzako pilotariak pilotaz ederto gozatu du eta Patxi Ruiz garbi menpean hartu du. Lizarrako atzelariak lan neketsua egin behar izan du bere tokia defendatzeko eta bigarren zatian nabaritu du ahalegin hori.
Bengoetxea VI.ak partidu on bat jokatu du baina ez du nahi beste aukera eduki errematatzeko eta batzuetan tokiz kanpo egon da. Hala eta guztiz ere 7 tanto lortu ditu.
Olaizola II.ak bere atzelariaren nagusitasuna dela eta, eroso jokatu du eta berak ere Lizarrako atzelariari eraso dio, 7 tanto lortuz.

BBK Promozio Txapelketako partidua oso gogorra izan da, izan ere, 878 pilotakada eman dira.