AZKARREGI JOATEA EZ DA KOMENI

2019/03/22

Euskadi Goza Ezazu Binakako Txapelketako ligako hirugarren jardunaldiko azken partidua Mungian jokatu da eta bertan Berasaluze VIII.a eta Apraiz irabazi dituzte Xalak eta Barriolak
12-22 emaitzaz.

Lehen zatian oreka izan da nagusi -10-11 egon dira- eta tarte horretan Berrizko aurrelariak erremate bikain asko egin ditu. Gainera atzean ederto aritu den Apraiz eduki du Pablok.
Ondoren partidua erabat hautsi da. Antsietateak Berasaluze VIII.a hartu du eta honek bere buruari huts egin dio zenbait tantutan.
Xalak ez du barkatu eta ez du apenas akatsik egin.
Barriolak ohiko segurtasunez jokatu du baita aurrelari bizkaitarrari airea kenduz ere.

Sailkapena