” ARRISKATU BEHAR IZAN DUGU” DIO BENGOETXEA VI.AK

2019/03/22

Bengoetxea VI.ak eta Patxi Ruizek beren laugarren puntua lortu dute Euskadi Goza ezazu Binakako Txapelketako ligan Iruñeko Labriten Xala eta Barriolaren aurka jokaturiko partiduan 21-22 menderatuta.
Partidua emozioz blai gertatu da, batez ere azken tantuetan. izan ere gorriak 21-19 markadorean joan dira baina Bengoetxea VI.aren joko ausartak garaipena eman diote urdinei.

Atzean Patxi Ruizek Barriola mendean hartu du partiduaren zati gehienean eta gainera airea kendu dio Xalari. Ala eta guztiz ere Leitzako atzelariak partidu on bat jokatu du.
Aurre aldean elkarren arteko borroka gogorra egin dute Xala nahiz Bengoetxea VI.ak. Ipartarrak oso bolea azkarrak bota ditu baina Oinatzen defentsa bikain izan da. eta berak ere min handia egin dio Yvesi bere errameten bidez.

18-17 markadorean zela, Patxi Ruizek aldageletan sartu behar izan du eskuin muskulu bikian zaintiratze bat eduki duelako. Hau dela eta ezkerrez jarri behar izan da pilota jotzeko.