San Fermin torneoa bukatuta, eskupilota jaialdien zerrenda amaitugabekoa azaltzen zaigu eta Gasteizko Andra Mari zuria torneoa heldu arte -5etatik 9rarte iraundu duena- partidu pilo bat jokatuko dira.
Hona hemen datozen 5 egunetan Asegarcek antolatu dituen partidu esanguratsuenak.
Hilak 22an, 17:00 etan Mutrikun, Olaizola I.a-Beroiz eta Berasaluze VIII.a-Albisu aurrez aurre egongo dira.
Egun berean Laudion, 22:15 etan, partidu nagusian, Olaizola II.a-Belokik Saralegi-Beginorekin neurtuko dituzte indarrak.
Hilak 23an, 17:30 etan, Arrigorriagan, estelarrean, Berasaluze VIII.a-Apraizek Bengoetxea VI.a-Patxi Ruizi aurre egingo diete. Neurketa hau Nitroko FRONTON programan ikusi ahal izango da.
Hilak 25ean, 17:30 etan, Etxebarrian (Bizkaia), Saralegi-Aretxabaleta eta Urrutikoetxea-Untoria jokatuko dute partidu bakarrean.
Egun horretan ere, 18:00 etan, Olaztin, Berasaluze VIII.a-Apraizek eta Bengoetxea VI.a-Patxi Ruizek osotuko dute partidu handia.
Eta zerrenda luze hau bukatzeko, Burgoseko Palacios de la Sierran, 18:00 etan, Lemuno-Argote eta Rico IV.a-Untoriaren arteko lehia izango da protagonista.
Bestalde aipatu behar da, Azpeitin San Inazio jaiak direla eta, abuztuaren 1ean, Asegarcek antolatutako jaialdiko estelarra hauxe izango dela: Olaizola II.a-Albisu eta Bengoetxea VI-Beroizen arteko norgehiagoka.
Asegarcek antolatu dituen partidu esanguratsuenak.