Berasaluze II.a Bartzelonan berragertuko da

2019/03/22

Binakako finalean ezkerreko Aquiles tendoian lesionatu zenetik bost hilabete pasa du Berasaluze II.ak kantxak zapaldu ezinik.
Serio aritu da Berrizko pilotaria sendatze prozesuan eta azkenean, larunbat honetan Ciutat de Barcelona Nitro III. Torneoaren finalean jokatuko du Albisurekin batera, Bengoetxea VI.a eta Beginoren aurka titulua eskuratzeko asmoz.

Partida, Nitroko FRONTON programak arratsaldeko seiretatik aurrera eskainiko du zuzenean.

Printzipioz Olaizola II.a zegoen iragarrita baina irailaren 16an Bermeoko jaialdian ezker bicepsean hartu zuen minagatik, Goizuetako pilotariak ezin du oraindik jokatu.

Nabarmendu behar da, hilaren 8an, Agurainen ere lehiatuko dela Pablo, bertan, berriro Albisurekin batera –binakako finalean izan zuen bikotekidea- Bengoetxea VI.a eta Beroizen aurka jokatuko du