2019/03/22
Arrasate, 2014ko apirilaren 29a. Astore etxeak gaur apirilaren 29an, asteartea, goizeko 11.00etan, Aspe eta Asegarceko pilotari profesionalen kamiseta berria aurkeztu du. Kamiseta horixe izango da datorren maiatzaren 4ko Eskuz Binakako Finalean erabiliko dutena. Aurkezpena Astore etxearen Arrasateko egoitzan izan da, eta bertan izan dira lau finalistak, Irujo-Barriola eta Olaizola-Aretxabaleta, kamiseta berriak erakusten Olaizola II-Aretxabaleta eta Mtz. de Irujo-Barriolaren irudiak Horiekin batera aurkezpenean parte-hartu dute Iñigo Salbideak, Asegarcetik, eta Iñaxio Errandoneak, Aspetik.
Astore etxeak pilotarako kolekzio berria aurkeztu du, hala: pilota-jardunerako egokiak, mugikortasunerako aproposak eta kirolarien erosotasunari begira jositakoak. Horretarako ehun berritzaileak erabili ditu Astorek.
Astore etxeak zehaztu bezala, Aspe nahiz Asegarcerentzat sorturiko kamiseta berriak Active Dry Poliester ehunez eginak dira, alboetan ehun aireztagarriekin eta besoetan patroi bereziekin, pilotarien mugikortasunaren menera sorturikoak.
Asperentzako kamisetaren kasuan, datorren maiatzaren 4ko finalean Irujok eta Barriolak jantziko duten kamiseta, alegia, diseinu berezia izango du: soiltasunean eta marren purutasunean oinarriturikoa, ebaketa kurboekin, betiere mugimendua islatu nahian. Gainera, kutsu “retro”-a eman nahi izan diote, hasieretako esentzia berreskuratze aldera.
Asegarceren kasuan, Olaizolak eta Aretxabaletak erakutsiko dute kamiseta berria: alboetan grafika bereziekin, paparrean marka duela eta pilotariaren gorputza nabarmentzen duen patroiarekin. Forma geometrikoak izango ditu, mugimendua islatze aldera.
Praken kasuan, Astore etxearen ohiko praken bertsio berritua aurkeztu da, 20 urte merkatuan daramatzan praka arrakastatsua baita. Lycra-poliester bidez eginiko prakak dira, gomazko gerrikoarekin eta poltsikoekin, eta elastikotasun handiarekin, pilotariaren mugimenduen menera.
Kolekzioa ixteko kaleko kamiseta aurkeztuko da, algodoiz eginikoa, gorri eta urdin koloretan. Horrekin batera, algodoizko sudadera, txapela beltzarekin, eta diseinu minimalista duena.
Kolekzio berria ohiko dendetan salgai egongo da apirilaren 29tik aurrera.
Astore, pilotari atxikiriko marka
Kolekzio berri honekin, Astorek pilota munduarekiko atxikimendua sendotuko du, hasieretatik elkarrekin bidelagun joan baitira. 1988an sortu zenetik, Astorek 25 urte baino gehiago darama kalitate goreneko kirol-jantziak sortzen. Pilotan ditu erroak Astorek, eta kirol honen estetik eta izaerari atxikirik sortu du bere nortasuna.
Erroak ondo iltzaturik, urterik urte berritzen eta ekarpenak egiten hazi da Astore etxea, ehun berriak, kirol berriak landuz, eta, betiere, autentikotasunari eutsiz.