Titin III.ak eta Merino III.ak Binakako Txapelketako beren laugarren puntua eskuratu dute, gaur Logroñoko Adarraga pilotalekuan Bengoetxea VI.a eta Beroiz 22-20 menderatuta.
Partida orekatuta izan da, baina jokaldi eztabaidatu askorekin, Nabarmenena, markagailuan 19-20 zegoela Titin III.ak bigarren botean harrapatutako pilota bat izan da.
Partidako onena Beroiz izan da, hiru tantoekin eta huts bakar bat egin dituelarik.
Prentsaurrekoan erran duenez, presaka eta urdurik jokatu duela aitortu du Bengoetxea VI.ak, baita epaileek hartutako erabakiek kalte egin dietela ere.
Datuak:
678 pilotakadak
Titin III: sake bat, 7 tanto, 4 huts
Bengoetxea VI: sakez alerik ez, 9 tanto, 8 huts
0-1 2-1 5-5 7-7 10-12 16-12 16-16 17-19 19-19 19-20 20-20 20-22
Mtz. de Irujo eta Zabaletaren garaipena Iruñean
Mtz. de Irujok eta Zabaletak beren bosgarren puntua lortu dute gaur, Iruñeko Labrit frontoian jokatutako neurketan Arretxe II.a eta Begino 22-14 irabazi ondoren.
Partidaren gakoa, hasieran izan da. Gorriek erabat zentratuta ekin diote lanari eta urdinak aldiz, hotz egon dira lehenengo tantoetan eta horren erakusgarri, 7-0, 10-2, eta 13-3 gertatu diren partzialak da.
14-7 zegoela, bazirudien Asegarceko bikoteak suspertu egingo zuela baina aurkariek beren erritmoari eusti diote garaipena lortu arte.