ZENBAKIAK BELOKIREN ALDE

2019/03/22

Larunbat honetako Labriten izango den Beloki eta Patxi Ruizen arteko neurketa apartaren aurrean estadistikak Burlatarraren aldekoak azaltzen dira.
Bi pilotariek banaka hiru aldiz neurtu dituzte indarrak, kantxa osoan behin eta lau t´edian beste bi.
2003ko eskuz banakako txapelketako finalerdietako ligaxkan Adarragan bat egin zuten eta bertan Belokik 22 eta 12 mendean hartu zuen Lizarratarra.
Lau t´erdian eta Telecincoko torneoa zela eta 2001ko edizioan Rubenek 22 eta 20 garaitu zuen Patxi Ogeta pilotalekuan. Hurrengo urtean Lizarrakoak errebantxa hartu zuen eta Sorian 22 eta 21 irabazi zion Belokiri.
Larunbat honetan Telecincoko kamarek norgehiagoka handi baten lekuko bereziak izango dira.