ZEARRA, MODAKO PILOTARIA

2019-03-22

2002 urteko azaroan “hatz zuria” gaixotasuna sendatzeko ebakuntza egin eta ondorengo geldialdia gainditu eta gero, Oier Zearra berriro ere goi-goian dugu.
Iazko maiatzean itzuli zen kantxetara galdakaotarra eta urtebeteko epean jokua eta konfidantza berreskuratuta jaialdi nagusietan kokatu da.

Ibilbide horretako muturra Lekeiitoko torneoan azaldu da, bertan lehiaketa irabazteaz gain, pilotari onenaren saria ere etxeratu baitu bizkaitarrak.

Guzti honi beraren estadistikak gehitu behar dizkiogu. Asegarceko atzelariak udan, uztailaren 1etik aurrera, jokatutako hogei partiduetatik hamazortzi irabazi ditu eta une honetan jarraian hamaika partidu dauzka bere alde.

Tankera horretako zenbakien atzean zer ote dagoen galdetuta Oier honelaxe mintzatzen zaigu “joku puntua lortu dut eta gainera eskuetatik ondo ibili naiz. Zortea ere aipatu behar da, partidu batzuetan nere alde izan dut eta.”

San Mateoko torneoan sartuko duteneko galderaren aurrean barre txiki bat botatzen du eta zera dio Oierrek ” primerako albistea izango litzateke niretzat baina erabakia bulegoetan gauzatzen denez, itxaron behar izango dugu”.