2024/05/15
Partida bost setean onena den pilotariak irabaziko du. Ekainaren 1ean hasiko da Urdulizen eta finala abuztuaren 20an izango da Bizkaia Frontoian Aste Nagusian.
- Torneoa hiru modalitatetan jokatuko da: 4 1/2an, binaka, eta buruz buru
- Final-laurdenetako kanporaketekin hasiko da, gero finalerdiak jokatuko dituzte, ondoren finala jokatzeko
- Artola, Altuna III, Laso, Elordi, Urrutikoetxea eta P.Etxeberria izango dira sei taldeetako kapitainak
Bilbo, 2024ko maiatzaren 15a
Leixuri Arrizabalaga Euskara, Kultura eta Kirol diputatuak Bizkaia Torneoaren hamaikagarren edizioaren xehetasunak eman ditu, Unai Iglesias Baikoko arduradun komertzialarekin eta Inaxio Errandonea Aspe Pelotako arduradun komertzialarekin batera.
Bizkaia Torneoa taldeka jokatzen den bakarra da eta 24 pilotarik hartuko dute parte. Sei talde osotuko dituzte, eta taldeek Bizkaiko beste hainbeste menditatik hartuko dute izena: Anboto, Ganekogorta, Gorbeia, Kolitza, Oiz eta Sollube.
| TALDEA | BIKOTEAK | 4 1/2 | BURUZ BURU |
|---|
| GANEKOGORTA | ARTOLA-IMAZ | AGIRRE | SENAR |
| SOLLUBE | LASO-MARIEZKURRENA II | PEÑA II | BAKAIKOA |
| KOLITZA | URRUTIKOETXEA-ALBISU | JAKA | ZUBIZARRETA III |
| OIZ | ALTUNA III-REZUSTA | EZKURDIA | EGIGUREN V |
| GORBEIA | ELORDI-ZABALETA | ELEZKANO II | SALABERRIA |
| ANBOTO | P.ETXEBERRIA-MARTIJA | ZABALA | EXPOSITO |
Kanporaketak ekainaren 1ean Urdulizen (Kolitza vs Ganekogorta), ekainaren 14an Zeanurin (Oiz vs Anboto), ekainaren 15ean Bilboko Deportivon (Sollube vs Kolitza edo Ganekogorta), eta ekainaren 16an Mallabian (Gorbeia vs Oiz edo Anboto) jokatuko dira. Finala abuztuaren 20an, Bilboko Aste Nagusian, Bizkaia Frontoian jokatuko da.
Partidak setetara jokatuko dira
Bizkaia Torneoa berritasun handi batekin dator. Partida bost setean onena den pilotariak irabaziko du. Setak 6 tantora izango dira, eta bi seteko berdinketa balego, bosgarren seta, desenpatekoa, hiru tantora jokatuko da. Aldaketa honen helburua berdintasuna sustatzea, pilotarien artean jokoa lehiakorragoa izatea, eta publikoarentzat ikuskizuna erakargarriagoa izatea da.
Sarrerak salgai
Sarrerak entradasfronton atarian eskuragarri daude jadanik, eta pilotalekuetako leihatiletan ere jarriko dira salgai jaialdietako egunetan.