XALAK OLAIZOLA II.ARI IRABAZI ETA ESKUZ BANAKAKO FINALA JOKATUKO DU

2019-03-22

Yves Xalaberrik datorren ekainaren 6an izango den Eskuz Banakako Finala jokatuko du Mtez. de Irujoren kontra gaur Donostiako Atano III.a pilotalekuan Olaizola II.ari 22 eta 18 irabazi ostean.
Partidua ez da polita izan gehien bat bi protagonistek egindako akatsak ugari izan direlako urduritasunak eraginda.
Hori azaltzeko irabazleak egin dituen 9 kale kontutan izan behar dira eta jokaldi garbietan Olaizolak tantua menperatzeko erakutsi duen ikuspen eza.
Partiduaren gakoa Xalaren eskubiko bolea izan da, Olaizola II.ak emandako pilotakadak horma horren kontra jo baitira.
Gainera, Iparraldekoak oso sake onak egin ditu eta tantu zuzena izan ez direnek kalte handia egin diote Olaizolari, gero peloteoan behartuta egon delako.
Aimar konfidantza gutxirekin ibili da eta nahiz eta eskubiz pilotakada batzu ematen lortu ezin izan du arerioa gailendu.
Ezkerrez ere ez da fino ibili eta baztertutako pilota asko jaso ditu.
Prentsaurrekoan Aimarrek oso partidu gogorra suertatu zaiola esan du norgehiagokaren lanerdian txispa ere alde egin zaiola gaineratuz.
Xalaren bolea erabakiorra ere aipatu du Olaizolak eta bere eskubiaren egoera dela eta, estrategia ezberdina martxan jarri behar izan duela partidutik bere burua apur bat ateraz.