Xalak eta Zubietak Bengoetxea VI.a eta Beginoren aurka jokatuko dute finalean

2019-03-22

Txundituta gelditu dira frontoia bete duten pilotazaleak eta sarritan, zutik txalotu dituzte lau protagonistek eskaini dituzten jokaldi itzelak.
Beginok partida aparta egin du; Auzako pilotariak errebote inguruetara pilotakada sorta ederra bota ditu Apraiz estutuz, eta gainera Olaizola II.ari maiz kendu dio airea.

Bengoetxea VI.ak ere, txapela kentzeko moduko neurketa egin du. Leitzako aurrelariak 11 tanto gauzatu ditu eta defentsan ezinhobe aritu da.

Olaizola II.ak bere markako erremateak gehitu dizkio ikuskizunari publikoaren gozamenerako.Txapeldunak 12 tanto sartu ditu poltsikoan.

Datuak: 63 min.
541 pilotakadak.
Olaizola II: sakez bat ere ez, 12 tanto, 3 huts.
Bengoetxea VI: sakez 3, 11 tanto, 2 huts.
Apraiz: 4 huts.
Begino: 3 tanto, 4 huts. 1-0 1-1 7-1 9-7 10-12 12-19 17-19 18-22.