2023-05-30
Ekainaren 16an hasiko da Mallabian eta finala Bizkaia Frontoian izango da abuztuaren 22an, Aste Nagusian
Torneoa hiru modalitatetan jokatuko da: 4 1/2 an, binaka, eta buruz buru
Final-laurdenetako kanporaketekin hasiko da, gero finalerdiak jokatuko dituzte, ondoren finala jokatzeko
Laso, Altuna III, Urrutikoetxea, Elordi, Larrazabal eta Ezkurdia izango dira sei taldeetako kapitainak
Bilbo, 2023ko maiatzaren 30a
Lorea Bilbao Ibarra Euskara, Kultura eta Kirol diputatuak Bizkaia Torneoaren hamargarren edizioaren xehetasunak eman ditu, Unai Iglesias Baikoko arduradun komertzialarekin eta Inaxio Errandonea Aspe Pelotako arduradun komertzialarekin batera.
Bizkaia Torneoa taldeka jokatzen den bakarra da eta 24 pilotarik hartuko dute parte. Sei talde osotuko dituzte, eta taldeek Bizkaiko beste hainbeste menditatik hartuko dute izena: Anboto, Ganekogorta, Gorbeia, Kolitza, Oiz eta Sollube.
Kanporaketak ekainaren 16an Mallabian eta Zierbenan, ekainaren 17an Abadiñon (Matienan), eta ekainaren 18an Durangon jokatuko dira. Finala abuztuaren 22an, Bilboko Aste Nagusian jokatuko da, Bizkaia Frontoian.
Sarrerak entradasfronton atarian eskuratu daitezke gaurtik aurrera, eta pilotalekuetako leihatiletan ere jarriko dira salgai jaialdietako egunetan.