Urrutikoetxeak kontratua berritu du Baikorekin

2022-11-15

Urrutikoetxeak bi urtez luzatu du kontratua Baiko Pilotarekin. Zaratamoko aurrelariaren hitzetan, “erraza izan da akordio batera iristea”.

Mikel Urrutikoetxea hiru Txapelketa nagusietan hiru txapelak irabazi dituen zortzi pilotarietako bat da, eta atzelari bezala jokatuz Binakakoa irabazi duen aurrelari bakarra da. 2009an debuta egin zuenetik profesionaletan eman dituen hamahiru urteetan, Urrutikoetxeak beste lau final jokatu ditu, azkena duela bi urte.

Kontratua berritu ostean Urrutikoetxeak adierazi duenez, “orain entrenatzen jarraitu behar dut hurrengo helburuak prestatzeko“.

Zaratamoko aurrelariak igande honetan bertan jokatuko du Bizkaia Frontoian, Mariezkurrena II.arekin batera Elezkano II.a-Zabaletaren aurka 4 1/2ko finalaren aurreko partidan.