Urrutikoetxeak Artola, eta Senarrek Laso, ordezkatuko dituzte asteburuan

2025/02/11

Iñaki Artolak eta Unai Lasok, biak eskua minduta, ez dute jokatuko Binakako Txapelketako sailkapen ligako azken jardunaldian.

Iñaki Artolak eskua minduta amaitu zuen ostiralean Tafallan jokatu zuen Binakako Txapelketako partida, eta larunbatean ezin izango du sailkapen ligako azken jardunaldian parte hartu. Urrutikoetxeak hartuko du bere lekua, Mariezkurrena II.arekin bikotea osatuz, Ezkurdia eta Rezustaren aurka jokatzeko Bilbon. Eta Unai Lasok eskua minduta dauka oraindik, eta Senarrek ordezkatuko du larunbatean Iruñean, Iztuetarekin batera P.Etxeberria-Martijaren aurka jokatzeko.

Serie B Txapelketan

Bakaikoak Senar eta Zubizarreta III.a ordezkatuko ditu ostiralean Sestaon eta larunbatean Bilbon, eta Lizeagak Ugartemendiaren ordez jokatuko du larunbatean Iruñean.