Urrutikoetxea-Imazek irabazi dute Bizkaia Frontoiko norgehiagoka (22-16)

2021-01-10

Markagailuak 18-16 adierazten zuenean partida bertan behera geratu da Iñaki Artolak min hartu ostean. Ordura arte, neurketa gogorra jokatu dute lau pilotariek. Hasieratik agintean izan dira Artola-Aranguren, baina tantoak aurrera joan ahala indarrak parekatzen hasi dira eta hamaseigarrenean bat egin dute bi bikoteek. Orduan, Artolak min hartu du eskuin iztarreko iskiotibialean eta ezin izan du jokatzen jarraitu.

Binakako Promozio Txapelketari dagokionez, Salaberria-O.Etxebarriak 22-6 menderatu dituzte Dario-Erostarbe. Eta pilota jaialdiaren irekierako neurketan, Agirre-Larunbek 22-14 gainditu diztuzte Bengoetxea VI-Urretabizkaia II.a.

Emaitza: Urrutikoetxea-Imaz 22-16 Artola-Aranguren
Partidaren iraupena: Ordu 1 eta 6 minutu
Pilotakadak: 530
Berdinketak: 16-16
Gorriz (Urrutikoetxea-Imaz): 9 tanto egin dituzte eta 6 galdu
Urdinez (Artola-Aranguren): 10 tanto egin dituzte eta 9 galdu
Lehenengo partida: Bengoetxea VI-Urretabizkaia II 14-22 Agirre-Larunbe


Promozio Txapelketa: Dario-Erostarbe 6-22 Salaberria-O.Etxebarria