URREZKO BI PUNTU

2019-03-22

Berasaluze VIII.ak eta Beginok urrea balioa duten bi puntu eskuratu dituzte gaur Idiazabalgo Igarondo pilotalekuan Gonzalez eta Laskurain 22-14 menpean hartu eta gero.

Partiduaren hasieran huts batzuk gertatu dira bi bikoteen aldetik baina 4-5 tik aurrera Berasaluze VIII.aren erakustaldia agerian izaten hasi da bere markako denetariko erremateak eginez. Osotara Pablok 12 tantu gauzatu ditu jokoan eta partidu osoan zehar goitik behera menderatu du Gonzalez.
Beginok hasieran huts dezente egin ditu baina bukaeran pilotakada ederrak eman ditu Laskuraini bizkarra emanez.
Gonzalezek oso une gutxietan estutu du Pablo eta 5 huts egin ditu.