Urretabizkaia II.a eta Larrazabal Promozio mailako Lau t’erdiko txapelketatik kanpo geratu dira

2020-12-12

Bilboko jaialdiko aurreneko partidan Urretabizkaia II.a 0-3 aurreratu da partidaren hasieran, baina Elordik berehala eman dio buelta norgehiagokari bost tantoko bi partzialekin. 10-7 hurreratu da Ikaztegietako atzelaria, baina mallabiarrak berriz ere tartea zabaldu eta partida bideratuta utzi du. Azkenean, 22-08 irabazita, Elordi Promozio mailako finalerdietan izango da datorren asteburuan.

Eta hirugarren eta azken partidan, Larrazabalek ez du aukera handirik izan Zabalaren aurkako partidan (22-04). Amurrioko gazteak, debuta egin du profesional mailako txapelketa ofizial batean eta ikasketa moduan baliatuko ahal izango du gaurko norgehiagoka. Zabalak ere seguru du finalerdietan toki bat hurrengo asteburuan.

Eusko Label 4 ½ txapelketari dagokionez, final-laurdenetako partida oso estua jokatu dute Jakak eta P.Etxeberriak. Hasieratik amaierara berdinketa ugari izan dira markagailuan eta ordu bete baino gehiago iraun duen partidaren ondoren, 22-21 irabazi du aurtengo Banakako txapeldunak.