Untoriak Promozioko Eskuz Banakako Txapeldun izendatu du bere burua

2019-03-22

Alvaro Untoriak Promozioko Buruz Buruko txapeldun berria da Labrit pilotalekuan jokatutako finalean Elezkano II.a 22-15 menderatu ostean.
Itzelezko hasiera gauzatu du Naxerako markagailuan 14-1 jarriz.
Jo boteretsua eta dejadetan oinarritu ditu Alvarok partzial lortzeko Danelen jokoa erabat txikituz.
Baina Zaratamoko pilotariak ez du amore eman eta lan eginez eta dezente sufrituz 17-12ra hurbiltzea lortu du, nahiz eta pilotakada batzuk txapara joan zaizkion.
Tarte horretan Untoria urduri egoten hasi da, baina bizkaitarraren huts garrantzitsu batzuk eta errioxarraren pegadak txapela Alvarorentzat izatea eragin dute.

Datuak:
56 min
215 pilotakadak
Untoria: sakez 4 eta falta bat
Elezkano II: sakez bi.
2-0 14-1 14-5 17-5 17-12 20-15 22-15

Arretxe II.ak Idoate kanporatu du San Fermingo Lau eta Erdiko torneoan

Iker Arretxek Bengoetxea VI.aren aurka jokatuko du 22an Logroñon, San Fermingo Lau eta erdiko torneoan gaur Labriten Idoate 22-18 irabazi ondoren.
Abiadura handiko partida izan da eta baldintza hauetan Luzaideko aurrelaria bere aurkaria baino hobeto moldatu da.
Txantreako pilotaria aldiz, ez du apenas behar izan duen tokia aurkitu kantxan.