UNANUE, LAU T’ERDIKO TXAPELDUNA

2012-01-31

Mikel Unanuek sekulako ustekabea eman zuen Lau eta Erdiko txapelketako finalean eta Patxi Eugi 22-11 irabaziz kaiolako bere lehen txapela jantzi zen.

Agoizkoa bere irabazi beharrarengatik zeharo urduri atera zen gasteizko Ogeta pilotalekura. Kantxara guztiz kateatuta atera zen nafarra dirua nabarmen bere alde zuelarik. Mikel lasaiago aritu zen eta berak oso ondo egiten dakien jokoa ezarri zuen kantxan, sake bortitza eta erremate arina. Añorgarrak piloteoan ere eutsi egin zion Eugiri, Agoiztarrak ez baitzion min larririk egiten bere pilotakada ahulekin.
Irabazten hasi zen Eugi baina Añorgarrak hasieran arerioaren kolpeei eustea lortu zuen eta gero pilotari abiadura emanez bere aldera bideratu zuen neurketa.
Partiduan 325 pilotakada eman ziren 55 minutuetan.