UNANUE GOGOTSU AGERTU DA ENTRENAMENDUETAN

2019-03-22

Mikel Unanue indartsu azaldu da Asegarceko Gasteizko entrenamenduetan. Pubiseko ebakuntza egin ziotenetik denbora franko iragan da eta egonaldi lasai eta luzea egin eta gero kantxan da berriro.
Atzo Ogetan izan zen Salba Bergararen esanetan eta abduktoreak lantzeko ariketa bereziei ekin zien.

Berotzeko partidutxo arin baten ostean, Salbak hainbat pilotakada luzatu zion bi aldeetara behin eta berriz alboko mugimenduak eginarazteko.

Berrogeita bost minututako saioa bukatuta, minik gabe bukatu zen Añorgarra, erabat baikor eta ahalik eta azkarren frontoietan agertzeko irrikan.

Animoz oso ondo dago eta nahiz eta hainbeste denbora geldi egon, pisuaz bikain dabil ezkerti gipuzkoarra.