Neurketa gogorra, erritmo handikoa, eta goi mailako jokaldiez josita izan da. Bi pilotariak jo eta su aritu behar izan dira erremateak egiterako orduan eta, biak alderatuta, Oinatz suertatu da kaltetuena, izan ere, azken txanpan, goizuetarra erraz menperatu du aurkaria.
Nahiz eta Aimar hasieran nagusitu, (10-3) Bengoetxea VI.ak ez du amore eman eta 10-8ra arte murriztu du abantaia, jarraian egindako hiru dejadei esker, baita gantxoren bat ere tartean izan dela.
Azkenean, garaipena eta puntua Olaizola II.arentzat eta sailkatzeko beste bi aukera Bengoetxea VI.arentzat.
Datuak:
259 pilotakadak
46 min.
Olaizola II.a: 2 sake eta falta bat, 10 tanto.
Bengoetxea VI.a: sake bat, 11 tanto.
3-0 6-3 10-3 10-8 13-10 15-10 17-11 18-13 22-13
Beste alde, Promozioko Lau eta Erdiko neurketan, Lemunok 16-22 galdu egin du Jaunarenaren aurrean eta lehiaketatik at geratu da.
Ezkarain, Untoriak 18-22 irabazi du Gorka eta bere bigarren puntua lortu du Promozioko final-laurdenetako ligaxkan.