TXAPELDUNAK BANAKAKOAREN “AITITE”A DU AURKARI

2019/03/22

Datorren astelehenean Iruñako Labrit pilotalekuan oso partida berezia jokatuko da. Egungo txapelduna den Olaizola II.ak Eskuz Banakakoan dagoen pilotarirk beteranoena den Patxi Eugiren kontra neurtuko ditu indarrak.

Aimar Olaizolak txapelketan bere estraineko norgehiagoka jokatuko du eta txapela defendatzen arituko da. Bestaldean eskarmentu handiko Agoizko aurrelaria izango dugu, izan ere, Eugik 1992urtean jokatu zuen banaka txapelketako lehen partida, Unanueri Labriten martxoaren 15ean 22 eta 6 irabazi ziona alegia. Eugik 31 partida jokatu ditu txapelketan horietatik 18 garaipen eta 13 porrot dauzkalarik. Txapeldunak 2000 urtean hasi zen txapelketan eta 19 neurketa jokatu ditu haietatik 12 irabazi eta 7 porrot egin dituelarik.

Heurek jokatu duten partidu bakarrean, hots, 2003ko apirilaren 19an Adarragan jokatutakoa, goizuetarrak eskuratu zuen garaipena 22 eta 9 emaitzaz.