TREBEAK INDARTSUA GARAITU NAHIAN

2019-03-22

Juantxo Kokak gaur gauean Oiartzungo Madalensoro pilotalekuan duen hitzordua ez da gauerdiko ahuntzaren estula. Pilotari donostiarrak koska ederra gainditu behar izango du lau t´erdiko txapelketan eta horrekin batera iaz eduki zuen zorte txarra ahazteko.
2003ko edizioan zortzirenetako kanporaketa Nagorerekin jokatzen ari zela lesioanatu zen eta partidua bertan behera utzi behar izan zuen.

Bere arerioa distantziako bi finaletan izana da eta batetan txapela lortu zuen, 2001koa alegia.
1996 urtez geroztik darama Kokak “kaiola”ko txapelketan parte hartzen eta goren iritsi den urtea 2001 izan zen finalaurdenak Unanueren kontra Gasteizko Ogetan jokatu eta 11-22 galdu zuelarik.
Gaur gauean donostiarraren trebetasun aparta eta Leitzarraren indarraren arteko lehia ederra ikusiko dugu.