Tolosako gaurko jaialdia bertan behera geratu da hezetasun arazoengatik

2024/12/06

Jaialdia datorren astelehenean, abenduaren 9an, egingo da, arratsaldeko 16:30ean eta gaurko erositako sarrera berarekin sartu ahal izango da. Nahi dutenek sarreren dirua itzultzeko eskatu ahal izango dute.

Egunean zehar hainbat neurri hartu diren arren, Tolosako Beotibar pilotalekuan agertutako hezetasuna dela eta, bertan behera geratu da gaur arratsaldeko jaialdia.

Jaialdi hau datorren astelehenean egingo da, 16:30ean, frontoi berean, eta gaurko erositako sarrerek astelehenerako balioko dute.

Bertara joan nahi ez dutenek edo joan ezin dutenek diruaren itzulketa eskatu ahal izango dute posta elektronikoz sarrerak@entradasfronton.com helbidera idatziz edo astelehenean bertan pilotalekuko txarteldegian.