TITIN III.A ETA BEGINO, SAN MATEO TORNEOTIK KANPO

2019-03-22

Titin III.a eta Begino San Mateo Torneoko kanpo geratu dira lehiaketako ligaxkan puntu bat ere lortu ez dutelako.
Ez pasa den igandean Bengoetxea VI.a eta Belokiren kontrako partiduan ez ta ere atzo Mtz. de Irujo eta Beroizen aurkakoan, azken honetan 22-20 galdu zuten eta.

Mtz. de Irujok onerako eta txarrerako maneiatu zuen neurketa. Iberoarrak tanto mordo bat lortu zuen arren huts asko bildu zituen bere zakuan.
Titin III.ak ez zuen behar bezala asmatu eta 2 tanto besterik ez zituen lortu.
Beroizek partidu ona jokatu zuen, Beginoren pilotakadei aurre egiteaz gain Irujok pilota onak uztzi zizkionean astinkada ederrak ere ematen zituen.
Begino ez zen erabat fresko eta ez zuen min handirik egin.